काठमाडौँ । एक समय थियो जब सम्बन्ध तोड्नु र आफ्नो पार्टनरबाट अलग हुनु ठुलो कुरा थियो। तर आजको जमानामा यसको पूर्णतया उल्टो भएको छ । आजकल, लामो समय सम्म सम्बन्धमा रहनु ठुलो कुरा हो। पहिले प्रेम सम्बन्ध बिहेपछि मात्रै सुरु हुने गर्दथ्यो तर आजकल मानिसहरू बिहेअघि नै धेरै पटक प्रेममा पर्छन् ।
आजकल जोडीहरू एक अर्कासँग लामो समयसम्म सम्बन्ध कायम राख्न सक्दैनन् वा अर्को शब्दमा भन्नुपर्दा आजका युवायुवतीहरू एक व्यक्तिसँग लामो समय बस्न रुचाउँदैनन् । युवायुवतीबिचको सम्बन्धका पनि विभिन्न अर्थ हुन्छन् जसमध्ये आजकल बेन्चिङ सम्बन्ध निकै लोकप्रिय बन्दै गएको छ । सम्बन्धमा रहेर पनि कुनै किसिमको प्रतिबद्धता नगर्नुलाई बेन्चिङ रिलेशनशिप भनिन्छ।
पहिले आमाबाबुले छोरा छोरीको लागि केटा वा केटी खोज्दिन्थे । आजकल केटा र केटीहरूले डेटिङ एप्स मार्फत आफ्नो जीवन साथी खोज्छन्। यसैको नतिजा धेरै पटक मतभेदका कारण सम्बन्ध चाँडै टुट्ने गर्छ । त्यसै गरी कतिपयले विवाह गरेपछि पनि अरूसँग सम्बन्ध कायम राख्छन् । जसमा उनीहरू एक अर्कालाई कुनै पनि किसिमको प्रतिबद्धता गर्दैनन् ।
बेन्चिङ सम्बन्ध के हो ?
आजकल बेन्चिङ रिलेशनशिप युवायुवती माझ प्रचलनमा छ । बेन्चिङ रिलेशनशिप भनेको तपाई कसैलाई मन पराउनुहुन्छ तर तपाई उससँग जीवनभर बाँच्न चाहनुहुन्न। त्यसो भए तपाईँ दुवैले चाहेको लामो समयसम्म सम्बन्धमा रहनुहुन्छ, त्यसपछि तपाईँ अलग हुनुहुन्छ। यसका साथसाथै बेन्चिङ रिलेसनशिपमा रहँदा, तपाईँ अरू कसैसँग पनि सम्बन्धमा आउन सक्नुहुन्छ र यस प्रकारको सम्बन्धमा, कुनै पनि पार्टनरले अर्को एकमाथि आफ्नो अधिकार दाबी गर्न सक्दैनन्।
बेन्चिंग सम्बन्धको हानि
कयौँ पटक यस्तो देखिन्छ कि सँगै बस्दा केटा या केटीको सम्बन्ध हुन्छ । जसका कारण मन टुट्न बाध्य हुन्छ । यदि तपाईँ कसैलाई आफ्नो मनबाट स्वीकार गर्नुहुन्छ भने, यो सम्बन्ध तपाईँको लागि होइन। यस सम्बन्धमा गम्भीर हुनु अघि, तपाईँले आफ्नो पार्टनरको भावनाको बारेमा जान्नु पर्छ, अन्यथा तपाईँले भविष्यमा धेरै समस्याको सामना गर्न सक्नुहुन्छ।
