![](https://i0.wp.com/www.thenepaltop.com/wp-content/uploads/2024/06/rajesh-.png?fit=1200%2C720&ssl=1)
काठमाडौँ । दुबईमा सांगितिक कायर्यक्रममा जान लागेका गायक राजेशपायल राईलाई एयरलाइन्सले त्रिभुवन अन्तर्राष्ट्रिय विमानस्थलबाटै फर्काइदिएको छ । राई फ्लाई दुबईबाट दुबई जान लागेका थिए ।
अत्यधिक मदिरा सेवन गरेर बोडिङ पास भएपछि जहाजमा होहल्ला गरेका कारण एयरलाइन्सले प्रहरीको जिम्मा लगाएको त्रिभुवन अन्तर्राष्ट्रिय विमानस्थलका प्रहरी प्रमुख प्रहरी नायब महानिरीक्षक ९डिआईजीपी० राजदत्त जोशीले जानकारी दिए ।
राईले अत्यधिक मदिरा सेवन गरेर जहाजमा होहल्ला गरी त्यहाँ पालना गर्नुपर्ने नियम पालना नगरेकाले एयरलाइन्सले प्रहरीको जिम्मा लगाएको छ । राई अहिले प्रहरीको नियन्त्रणमा रहेका छन् । उनलाई छोडेर जहाज दुबई उडिसकेको छ । जहाजमा मदिरा सेवन गर्न पाइने भए पनि अन्य यात्रुसँग होहल्ला गर्न नपाइने नियम रहेको र त्यो नियम राईले उल्लङ्घन गरेकाले जहाजले फिर्ता पठाएको प्रहरीले जनाएको छ ।