![](https://i0.wp.com/www.thenepaltop.com/wp-content/uploads/2024/06/badi-1.png?fit=1200%2C720&ssl=1)
लमजुङ । लमजुङको क्व्होलासोथर गाउँपालिका९३ मा पहिरोमा परी बेपत्ता भएका चारै जनाको शव भेटिएको छ ।
जिल्ला प्रहरी कार्यालय लमजुङका अनुसार पहिरामा पुरिएर ६७ वर्षीय रुद्रमान गुरुङ, उनकी बुहारी ३६ वर्षीया पञ्चकुमारी गुरुङ, नातिनी ४ वर्षीया नम्रता गुरुङ र ८ वर्षीया इच्छा गुरुङको शव भेटिएको हो ।
मङ्गलवार राति बगुमस्थित पच्युटोलमा पहिरोले तीन घर बगाउँदा ४ जना बेपत्ता भएका थिए । प्रहरी र स्थानीयले भग्नावशेषबाट उनीहरूको शव निकालेका हुन् । रासस