काठमाडौँ । साविक विजेता अर्जेन्टिना कोपा अमेरका २०२४ को नकआउट चरणमा पुगेको छ ।
लाउटारो मार्टिनेजको निर्णायक गोलमा बुधवार भएको खेलमा चिलीलाई १-० ले पराजित गर्दै अर्जेन्टिनाले क्वाटरफाइनलमा पुगेको हो ।
समूह ए मा लगातार दुई खेल जित्दै ६ अङ्क जोडेको अर्जेन्टिनाले एक खेल अगावै नकबउट चरणमा स्थान पक्का गर्यो ।
न्यु जर्सीस्थित मेट लाइफ स्टेडियममा भएको खेलमा अर्जेन्टिनाका लागि लाउटारोले ८८औं मिनेटमा गोल गरेका थिए ।
यसअघि अर्जेन्टिनालाई क्यानडालाई पहिलो खेलमा पराजित गरेको थियो ।
अर्जेन्टिनाले अब समूहको अन्तिम खेल पेरुसँग खेल्नेछ । समूह ए कै अर्को खेलमा क्यानडाले पेरुलाई हराएर पहिलो जित निकालेको छ ।
क्यानडा ३ अङ्कसहित समूहको दोस्रो स्थानमा छ । चिली र पेरुको समान एक अङ्क छ ।
