images

१ अर्ब ३० करोड लगानीमा ५१ वटा प्रहरी भवन बन्ने 

द नेपालटप | प्रकाशित: २०७५-११-३० गते
१ अर्ब ३० करोड लगानीमा ५१ वटा प्रहरी भवन बन्ने 

विराटनगर : प्रदेश सरकारले विनियोजन गरेको बजेटबाट १ नम्बर प्रदेश प्रहरी कार्यालय विराटनगरको सहित विभिन्न ५१ वटा प्रहरी भवन बन्ने भएका छन् । प्रदेश सरकारको विनियोजन गर्ने १ अर्ब ३० करोडमा प्रदेशको १४ जिल्लामा ५१ वटा प्रहरी युनिटका भवन बन्ने भएको हो । प्रदेश सरकारको बहुवर्षीय बजेट अनुसार १ नम्बर प्रदेश प्रहरी कार्यालय विराटनगरको सुविधा सम्पन्न कार्यालय भवनको शिलान्यास गरिएको छ ।

आर्थिक वर्ष ०७५–०७६  मा ५ करोड बजेट बिनियोजित भई सम्झौता भएको मितिले २ वर्ष भित्रमा अत्याधुनिक सुविधा सम्पन्न भवन निमार्ण हुने भएको हो ।  १६ हजार १ सय २१ स्क्वायर फिटमा ५ तले सुविधा युक्त कार्यालय भवन निर्माण सम्पन्न भएको छ ।  सो भवनको शिलन्यास प्रदेशका मुख्यमन्त्री शेरधन राईले गरे । मुख्यमन्त्री राईले शिलालेख अनावरण गरी विधिवत रुपमा शिलान्यास गरेका हुन् ।

प्रदेश प्रहरीको नयाँ बन्ने भवन अत्याधुनिक र प्रविधी मैत्री बन्नेछ । पहिलो तलामा १८ वटा कोठा भएको २ वटा कन्फरेन्स हल, सिसीटिभी सहितको प्रहरी परिचालन कक्ष रहनेछ । त्यस्तै दोस्रो तलामा ३० वटा कोठा, प्रदेश प्रहरी प्रमुखको कार्यकक्ष, मिटिङ्ग हल, महाशाका शाखा रहनेछ । यसैगरी तेस्रो तलामा २० वटा कोठाहरूमा महाशाखा, शाखा प्रमुखहरूको कार्यकक्ष रहनेछ भने चौथो तलामा १६ वटा कोठा र पाँचौ तलामा १३ वटा कोठाहरू रहनेछ ।

सोही अवसरमा प्रदेश सरकारबाट प्रदेश प्रहरीलाई उपलब्ध गराएको १५ वटा चार पाङग्रे गाडी र २ सय वटा मोटरसाइकल पनि प्रदान गरियो । कार्यक्रममा बोल्दै मुख्यमन्त्री राईले सुरक्षा अवस्था मजबुत नभएसम्म विकास निर्माणलाई अगाडि बढाउन नसकिने बताए । उनले प्रदेश सरकारले पहिलो प्राथामिकतामा सुरक्षा र सुशासनलाई प्राथामिकता राखेर काम अघि बढाएको बताए । ‘सुरक्षा ब्यवस्था मजबुत नभएसम्म आम नागरीकले सुरक्षा प्रत्याभुति गर्न सक्दैनन्’, मुख्यमन्त्री राईले भने, ‘सुरक्षाको प्रत्यक्ष अनुभूती पाउने गरी नागरीक मैत्री सुरक्षा व्यवस्थालाई अवलम्बन गरिएको छ ।’

कार्यक्रममा आन्तरिक मामिला तथा कानूनमन्त्री हिक्मतबहादुर कार्कीले सुरक्षा व्यवस्था मजवुत भएमा मात्र समृद्धीतर्फ अघि बढ्न सकिने बताए । १ नम्बर प्रदेशका सभामुख प्रदिपकुमार भण्डारीले आम नागरीकको सुरक्षामा २४ सै घण्टा तल्लिन रहने प्रहरीलाई भौतिक रुपमा सुविधा सम्पन्न बनाउनुपर्नेमा जोड दिए । 

प्रहरी महानिरीक्षक (आईजीपी) सर्वेन्द्र खनालले जहाँ सुरक्षित वातावरण छ त्यहाँ विकासका कामहरु धमाधम हुने हुँदा कुनै पनि अवैध किसिमका क्रियाकलापहरु क्षम्य नहुने बताए । उनले प्रहरीलाई सुबिधा सम्पन्न बनाउने प्रदेश सरकारको नीतिलाई शिरोपर गर्दै सुबिधा सम्पन्न भवन निर्माणले प्रहरी कर्मचारिमा काम गर्ने थप हौसला प्रदान गर्ने बताए । 

द नेपालटप

द नेपालटप

images
images
सम्बन्धित समाचार

मुख्यमन्त्र्री राईले मन्त्री र सचिवसँग कामको प्रगति मागे

मुख्यमन्त्र्री राईले मन्त्री र सचिवसँग कामको प्रगति मागे

विराटनगर : प्रदेश १ का मुख्यमन्त्री शेरधन राईले प्रदेश सरकारका मन्त्री र सचिवहरूसँग कामको प्रगति विवरण मागेका छन्।..

लागू औषधसहित युवा पक्राउ

लागू औषधसहित युवा पक्राउ

उदयपुर : उदयपुर र सप्तरीको सीमास्थल लालपत्ता नाका लागू पदार्थ भित्रने प्रमुख नाका बन्दै गएको छ। त्रियुगा नगरपा..

बिपी प्रतिष्ठानप्रति स्वास्थ्य मन्त्रीको चिन्ता 

बिपी प्रतिष्ठानप्रति स्वास्थ्य मन्त्रीको चिन्ता 

विराटनगर : उपप्रधान तथा स्वास्थ्यमन्त्री उपेन्द्र यादवले बिपी कोइराला स्वास्थ्य विज्ञान प्रतिष्ठानको खस्कँदो अ..

माइभ्याली गोल्डकप : हिमालयन शेर्पा फाइनलमा प्रवेश

माइभ्याली गोल्डकप : हिमालयन शेर्पा फाइनलमा प्रवेश

काठमाडौं : हिमालयन शेर्पा क्लब इलाममा जारी पाँचौं अन्तर्राष्ट्रिय आमन्त्रण माइभ्याली गोल्डकपको फाइनलमा प्रवेश..

भारत समूह ‘बी’ को विजेता, नेपालको सेमिफाइनल प्रतिद्वन्द्वी श्रीलंका

भारत समूह ‘बी’ को विजेता, नेपालको सेमिफाइनल प्रतिद्वन्द्वी श्रीलंका

काठमाडौं : साविक विजेता भारत पाँचौं साफ महिला च्याम्पियनसिप अन्तर्गत समूह ‘बी’ को विजेता बनेको छ ।..

नेपालमा शान्ति चाहिन्छ कि चाहिँदैन ? : प्रधानमन्त्री ओली

नेपालमा शान्ति चाहिन्छ कि चाहिँदैन ? : प्रधानमन्त्री ओली

काठमाडौंः प्रधानमन्त्री एवम् नेकपाका अध्यक्ष केपी शर्मा ओलीले नेत्रविक्रम चन्द नेतृत्वको पार्टी अनधिकृत झुण्ड भएको..